जो इंद्रियें अव्हासवा । चारी एथ ।।
न करावे तें करी। असंभाव्य मनीं धरी ।
चिंतू नयें तें विचारी । जयाची मती ।।
रिघे जेथ न रिघावे । मागे जें न घ्यावें।
स्पर्शे जेथ न लागावें । आंग मन ।।
न जावें तेथ जाये। न पाहावें तें जो पाहें।
न खावें तें खाये । तेवींचि तोषें ।।
न धरावा तो संगु । न लागावें तेथ लागु ।
नाचरावा तो मार्ग। आचरे जो ।।
नायकावें तें आइके। न बोलावें तें बके।
परि दोष होतील हें न देखे। प्रवर्ततां ।।
तयाचेनि आंगलगें। अज्ञान जगी दाटुगें ।
जें सज्ञानाहि संगें । झोंबों सके।।
श्री ज्ञानेश्वरी अध्याय तेरावा ओवी क्रमांक 771, 773 ते 777, 780
अश्या प्रकारच्या नवनवीन माहितीसाठी आपले WhatsApp Channel जॉईन करा.
👇👇
